Thursday, October 14, 2010

ဘ၀နေ၀င်ချိန်

ဒေါ်ရီတာဟာကျွန်မလုပ်ဖေါ်ကိုင်ဖက်သူငယ်ချင်းရဲ့အဒေါ်အသက်၆၀လောက်
အမဲမကြီးပါ။မြို့စွန်ရပ်ကွက်မှာကုန်စုံဆိုင်လေးဖွင့်ပြီးတစ်ဦးတည်းနေသူပါ။
တစ်လတစ်ခါသူ့ဆိုင်အတွက်ဈေးလာဝယ်ရင်းသူငယ်ချင်းဆီဝင်လာတတ်တာ
ကြောင့်ကျွန်မနဲ့ပါရင်းနှီးနေပါတယ်။
အသက်၂၀မှာအိမ်ထောင်ကျပြီးသမီးလေးတစ်ယောက်ရှိပါတယ်။
သူ့အမျိုးသားဦးမာတင်ကလစာကောင်းတဲ့ဝန်ထမ်းတစ်ဦးပါ။
သူတို့အိမ်ထောင်ရေးကအိမ်ထောင်ကျစ၄၊၅နှစ်လောက်မှာပြေလည်ပေမဲ့
နောက်ပိုင်းဦးမာတင်အရက်သောက်တတ်လာပြီးတဖြေးဖြေးယိုယွင်းလာပါတယ်။
နောက်ပိုင်းအရက်သောက်ရုံမကမိန်းခလေးတွေနဲ့တရုန်းရုန်း၊လခလဲမအပ်၊နေ့စဉ်
ပျော်ပါးမူးရူးပြီးဒေါ်ရီတာတို့သားအမိကိုရိုက်နှက်နှိပ်စက်ပါတယ်။
အပြစ်မရှိတဲ့သမီးလေးကိုရိုက်နှက်တာမမြင်ရက်တဲ့အဆုံးသမီးကိုတဘက်နိုင်ငံမှာနေ
တဲ့ငွေကြေးတောင့်တင်းတဲ့ဒေါ်ရီတာရဲ့ညီမဆီကိုပို့လိုက်ရပါတယ်။
ဦိးမာတင်ရဲ့အထောက်အပန့်မရတော့သူ့စားဝတ်နေရေးအတွက်မြို့ထဲကစတိုးဆိုင်မှာ
အကူလုပ်ရပါတယ်။နားရက်တွေမှာအနီးအပါးအိမ်တွေမှာအ၀တ်လိုက်လျှော်ရပါတယ်။
တစ်နေ့မှာသမီးလေးပြန်ခေါ်ထားမယ်ရည်ရွယ်ပြီးကျစ်ကျစ်ပါအောင်စုထားတဲ့ပိုက်ဆံ
တွေကလည်းဦးမာတင်နှိပ်စက်ပြီးယူလို့သမင်မွေးရင်းကျားစားရင်းပါ။
တစ်နေ့မူးမူးနဲ့မီးငယ်လေးတစ်ဦးကိုအိမ်ပေါ်ခေါ်တင်လာပါတယ်။
ငွေပေါတဲ့ဦးမာတင်ကိုမီးငယ်လေးကအလွတ်မပေးပါဘူး။အိမ်ပေါ်ကမဆင်းတော့ပါ။
ဒေါ်ရီတာဘယ်လိုတောင်းပန်တောင်းပန်မရတော့ပါ။ဦးမာတင်ရောမီးငယ်လေးပါ
နှစ်ယောက်ပေါင်းနှိပ်စက်တာမခံနိုင်တဲ့အဆုံးအ၀တ်တစ်ထည်ကိုယ်တစ်ခုနဲ့အိမ်ပေါ်
ကဆင်းလာပါတော့တယ်။
မိတ်ဆွေကောင်းတွေအကူအညီနဲ့ဘ၀အသစ်ကိုပြန်စဖို့ကြိုးစားပါတော့တယ်။
မြို့စွန်မှာအိမ်ဌားနေရင်းငွေချေးပြီးကုန်စုံဆိုင်လေးစဖွင့်ပါတယ်။
ဆိုင်ကလေးကတဖြေးဖြေးအဆင်ပြေလာပြီးအကြွေးကြေပြီးပြေလည်စပြုလာပါပြီ။
သမီးလေးကိုပြန်ခေါ်ဖို့စီစဉ်ပေမဲ့သမီးကချစ်သူတွေ့ပြီးငယ်ငယ်ရွယ်ရွယ်အိမ်ထောင်ကျ
သွားပါပြီ။
ဒေါ်ရီတာနဲ့အတူလာမနေနိုင်ပေမဲ့တစ်နှစ်တစ်ခါခရစ်စမတ်မှာတော့သားအမိပြန်တွေ့ကြ
ပါတယ်။သမီးရဲ့အိမ်ထောင်ရေးနဲ့ငွေကြေးကအဆင်ပြေလို့ဒေါ်ရီတာစိတ်အေးရပါတယ်။
အတူလာနေဖို့ခေါ်ပေမဲ့ကျန်းမာတုန်းရှာနိုင်တုန်းရှာလိုက်အုံးမယ်ဆိုပြီးလိုက်မနေဖြစ်ပါ။
ဦးမာတင်ကတော့ဒေါ်ရီတာကိုအဆက်အသွယ်လုံးဝမလုပ်ဘဲအပျော်တောထဲမှာနစ်မျော
နေပါတယ်။
အသက်၃၅နှစ်မှာတရားဝင်ပြတ်စဲတာလည်းမဟုတ်ဘဲအိမ်ထောင်ပျက်ခဲ့ရပေမဲ့နာကျဉ်း
ခံပြင်းမှုတွေနဲ့နောက်အိမ်ထောင်ပြုဖို့လုံးဝမစဉ်းစားဘဲစီးပွားရေးကိုဘဲအာရုံစိုက်ပြီး
တစ်ကိုယ်ထည်းငြိမ်းငြိမ်းချမ်းချမ်းနေခဲ့ပါတယ်။
အချိန်တွေတရွေ့ရွေ့ကုန်ပြီးအသက်တွေတဖြေးဖြေးကြီးလာပါပြီ။
လွန်ခဲ့တဲ့၆လလောက်ကနှစ်ပေါင်းများစွာကွဲကွာနေတဲ့ဦးမာတင်တစ်ယောက်ဒေါ်ရီတာရဲ့
လိပ်စာကိုမရမကစုံစမ်းပြီးရောက်လာပါတယ်။
နှစ်ပေါင်း၂၀ကျော်အတွင်းဦးမာတင်တော်တော်ပြောင်းလဲသွားပါပြီ။
မာန်တက်ပြီးမာနတလူလူနဲ့ဦးမာတင်မဟုတ်တော့ပါ။ညှိုးငယ်နွမ်းပါးပြီအရိုးပေါ်
အရေတင်ဖြစ်နေပါပြီ။
ဒေါ်ရီတာမရှိတဲ့အိမ်ပေါ်ကိုမီးငယ်လေးတွေတစ်ယောက်ပြီးတစ်ယောက်ခေါ်တင်ရင်း
သူတို့ပေးတဲ့အေအိုင်ဒီအက်စ်လက်ဆောင်အပြင်သွေးတိုးဆီးချိုရောဂါပါရနေပါပြီ။
ငွေကြေးလည်းမရှိ၊ကိုယ့်ကိုကိုယ်တောင်အနိုင်နိုင်သယ်နေရတဲ့ဝေဒနာသည်ကြီး
ကိုဘယ်မီးငယ်လေးကမှလက်ခံမပြုစုပါဘူး။
သံယောဇဉ်လက်ကျန်နဲ့ဒေါ်ရီတာကဦးမာတင်ကိုပြစ်မထားရက်တာကြောင့်အိမ်ပေါ်ခေါ်တင်ပြုစုပေးပါတယ်။
တရှောင်ရှောင်နဲ့၁လလောက်ကြာတော့ဦးမာတင်လေဖြတ်ပြီး
ကိုယ်တစ်ခြမ်းသေသွားပါတယ်။
ဆေးရုံတက်လိုက်ဆင်းလိုက်နဲ့၆လလောက်ကြာတော့ဒေါ်ရီတာရဲ့ကုန်စုံဆိုင်လေးလည်း
ပြုတ်ပါပြီ။
နေမကောင်းရင်သုံးဖို့စုဆောင်းထားတာတွေလည်းကုန်ပါပြီ။
ဒေါ်ရီတာသု့နေ၀င်ချိန်အတွက်စဉ်းစားရပါပြီ။
ဦးမာတင်သူ့အပေါ်ရက်စက်ခဲ့သလောက်ဒေါ်ရီတာမရက်စက်ခဲ့ပါဘူး။
ဦးမာတင်ကိုသူအတတ်နိုင်ဆုံးပြုစုပေးခဲ့ပါပြီ။
သေချာစဉ်းစားဆုံးဖြတ်ပြီးဦးမာတင်အစ်ကိုကိုဖုန်းဆက်ခေါ်လိုက်ပါတယ်။
သူဘယ်လိုမှဆက်ပြီးတာဝန်မယူနိုင်တော့တာကြောင့်ဦးမာတင်ရဲ့နောက်ဆုံးအချိန်တွေ
ကိုဆက်လက်တာဝန်ယူပေးဖို့ပြောပါတယ်။
သူ့မှာငွေအရင်းအနှီးလည်းမရှိ၊စီးပွားရေးပြန်လုပ်ဖို့ကလည်းအသက်ကထောက်လာပြီမို့
အကြိမ်ကြိမ်ခေါ်နေတဲ့သမီးဆီအပြီးလိုက်သွားဖို့ဆုံးဖြတ်လိုက်ပါတယ်။
ဦးမာတင်ရဲ့အစ်ကိုလာခေါ်တဲ့နေ့မှာလေဖြတ်ထားလို့စကားမပြောနိုင်ပေမဲ့နောင်တတွေ၊
အားငယ်ဝမ်းနည်းမှုတွေ၊တောင်းပန်မှုတွေပြည့်နေတဲ့ဦးမာတင်ရဲ့မျက်ဝန်းတွေကိုကြည့်
ပြီးဒေါ်ရီတာတိတ်တိတ်မျက်ရည်ကျမိပါသေးတယ်။
ဒီဘ၀ဒီမျှလောက်သာရေစက်ပါတာကြောင့်သူ့နေ၀င်ချိန်ကိုစောင့်စားဖို့သမီးဆီကို
ဒေါ်ရီတာလိုက်သွားပါတယ်။
ဒေါ်ရီတာသွားပြီး၂ပတ်အကြာမှာဦးမာတင်ကွယ်လွန်ပါတယ်။
သံယောဇဉ်အပြီးဖြတ်ပြီးငယ်စာရင်းဖျက်လိုက်တဲ့ဒေါ်ရီတာနဲ့သမီးကတော့ဦးမာတင်ရဲ့
နောက်ဆုံးခရီးကိုလာရောက်မပို့ဆောင်ကြတော့ပါ။

သူတို့လူမျိုးတွေဟာအာရှသားတွေလောက်မိသားစုအပေါ်သံယောဇဉ်မရှိကြပါ။
အမျိုးသားအများစုကအရွယ်ကောင်းရှာဖွေနိုင်တုန်းမှာသောက်စားသုံးဖြုန်းပြီး
မိသားစုကိုပြစ်ပယ်ထားတတ်ကြပါတယ်။
မိခင်ကသာသားသမီးကိုပြုစုစောင့်ရှောက်ကြပါတယ်။
ဒါကြောင့်သားသမီးတွေကမိခင်တွေနေမကောင်းဖြစ်ရင်ဂရုတစိုက်ပြုစုကြပေမဲ့
သူတို့ကိုစွန့်ပြစ်ခဲ့တဲ့ဖခင်တွေနေမကောင်းရင်ခပ်စိမ်းစိမ်းနေတတ်ပါတယ်။
တခါတရံအဝေးကငွေကြေးထောက်ပန့်ရုံကလွဲလို့တယုတယမပြုစုကြပါဘူး။
(ဒီအကြောင်းဘယ်သူမပြုဆိုတဲ့ပိုစ့်မှာပြုစုသူမဲ့နေတဲ့လည်ချောင်းကင်ဆာရောဂါ
ခံစားနေရတဲ့ဝန်ကြီးဟောင်းတစ်ယောက်အကြောင်းရေးခဲ့ဖူးပါတယ်။)
နေ၀င်ချိန်မှာမိသားစုရဲ့မေတ္တာအပြည့်နဲ့ပြုစုစောင်ရှောက်ကြမှသူတို့ရဲ့နောက်ဆုံးအချိန်
တွေကိုငြိမ်းချမ်းစွာဖြတ်ကျော်နိုင်ကြမှာဖြစ်ပါတယ်။
ချိုသောအပင်ကိုစိုက်ရင်ချိုမြိန်တဲ့အသီးကိုစားရပြီးခါးတဲ့အပင်ကိုစိုက်ရင်ခါးတဲ့အသီး
စားကြရတယ်ဆိုပေမဲ့အားလုံးရဲ့နေ၀င်ချိန်တွေကိုမိသားစုရဲ့မေတ္တာတွေနဲ့ကုန်ဆုံး
စေချင်ပါတယ်။
မိသားစုကိုတန်ဖိုးထားချစ်ခင်လေးစားတတ်တဲ့အသိတရားရကြပါစေ။

5 comments:

  1. အင်း ညီမ ရေ ကြောက်စရာကြီးနော် သူတို့ ဘဲ ရက်စက်တတ်တယ် နောက်ဆုံး ကယ်သူမဲ့

    ခင်တဲ့
    ရွှေစင်ဦး

    ReplyDelete
  2. ဟုတ်တယ်ဗျာ........။
    တစ်ကယ်တော့ ဘယ်သူမပြု မိမိမှုပါပဲလေ.....။

    ခင်မင်ခြင်းအားဖြင့်........
    ဏီလင်းညို

    ReplyDelete
  3. ချိုသောအပင်စိုက်သူ ချိုသောအသီးစားရမယ်။ ခါးသောအပင်စိုက်သောသူ ခါးသောအသီးစားရမှာ အမှန်ပါပဲ မမရေ....။

    ReplyDelete
  4. တကယ်တရားရမိပါတယ် အစ်မရေ....။
    ကိုယ်လုပ်သမျှကိုယ်ခံရတာပါပဲ....။

    ReplyDelete
  5. ဟုတ်တယ်အမရေ..ကိုယ်စိုက်တဲ့အပင်ကအသီးကိုဘဲ
    ကိုယ်ပြန်စားရတာလေ..

    ReplyDelete