Tuesday, January 24, 2012

Waiting Mothers ( 2 )

မြို့မှာကိုယ်ဝန်ဆောင်မိခင်တွေဟာဗိုက်နာပြီးမွေးခါနီးမှဆေးရုံကိုလာကြတာမို့
မီးဖွားဆောင်ကလွဲလို့မမွေးခင်မိခင်လောင်းတွေနေဖို့သီးခြားအဆောင်မရှိပါ။
နယ်ကဆေးရုံတိုင်းမှာဝေးလံပြီးသွားလာရေးခက်ခဲတဲ့တောင်ပေါ်ဒေသကမိခင်လောင်း
တွေမမွေးခင်နေဖို့Waiting Mothersလို့ခေါ်တဲ့သူတို့ရိုးရာအိမ်လေးတွေဆေးရုံဝင်းထဲ
မှာဆောက်ထားပေးပါတယ်။
ရွာကကျန်းမာရေးဆရာမတွေလွှဲတဲ့သွေးတိုး၊ဆီးချိုရှိတဲ့မိခင်လောင်းတွေ၊ကလေးအနေ
အထားမမှန်တဲ့မိခင်တွေ၊အကြောင်းအမျိုးမျိုးကြောင့်ဗိုက်ခွဲမွေးရမဲ့မိခင်တွေသာမက
ကိုယ့်ဆန္ဒအရဆေးရုံမှာမွေးချင်တဲ့မိခင်တွေအားလုံးwaitingmothersလို့ခေါ်တဲ့
အိမ်လေးတွေမှာ၎၊၅ယောက်အိမ်တစ်လုံးစုနေကြရတာပါ။
သူတို့အများစုဟာပညာမတတ်၊ဘာမှလည်းနားမလည်ကြပါ။ဆင်းရဲပြီးအလွန်ရိုးသားကြ
ပါတယ်။
အချို့ဆိုကိုယ်ဝန်ဘယ်တုံးကရှိတယ်၊အခုကိုယ်ဝန်ဘယ်နှစ်လရှိပြီဆိုတာတောင်မသိကြပါ။
ဆရာဝန်ဆရာမတွေစမ်းသပ်ချက်အရခန့်မှန်းချေမွေးဖို့တလလောက်အလိုကနေ
နေ့စေ့လစေ့အထိလာရောက်နေထိုင်ပြီးမွေးဖို့စောင့်ကြရတာပါ။

မိုးမရွာတဲ့ညနေခင်းတွေမှာကျွန်မလမ်းလျှောက်ထွက်ပါတယ်။
လမ်းလျှောက်ထွက်တိုင်း ဆေးရုံဝင်းထဲကကစားကွင်းမှာပြေးလွှားဆော့ကစားနေတဲ့
မဗိုက်တို့နဲ့အမြဲဆုံပါတယ်။
ကျွန်မတို့နိုင်ငံကဗိုက်ဗိုက်တွေကတော့အသွားအလာနှေး၊အထိုင်အထလေးနဲ့၊
မွေးခါနီးလေဗိုက်ကလေးတမမရှိလေပါ။ဇိုးကနဲဇတ်ကနဲထိုင်ရင်ထရင်၊လမ်းသွက်သွက်
လျှောက်ရင်လူကြီးမိဘတွေကဖြေးဖြေးဖြေးဖြေးဆိုပြီးတဟဲ့ဟဲ့နဲ့အော်ကြပါတယ်။
ဒီကမဂျမ်းတောဗိုက်ဗိုက်တို့ကတော့ာနေတိုင်းဘော်လုံးကစားကြ၊ကြိုးခုန်ကြ၊
အပြေးပြိုင်ကြ၊စိမ်ပြေးတမ်းကစားကြနဲ့ပါ။အမေတွေဒီလောက်ခုန်ပေါက်ကစားနေတာ
တွေ့ရတော့အမည်းတွေဒါကြောင့်များအားကစားတော်လေသလားလို့တွေးမိပါတယ်။
နေ့စေ့လစေ့ဗိုက်ကြီးတကားကားနဲ့ပြေးလွှားဆော့ကစားနေတာကြည့်ပြီးကလေးထွက်ကျရင်ဒုက္ခလို့စိုးရိမ်ပြီး
ရင်တမမဖြစ်နေတဲ့ကျွန်မကိုသူတို့ကပြန်နှစ်သိမ့်ပါတယ်။
ပြေးလွှားကစားလို့ပျက်ကျတာတခါမှမရှိပါဘူး။ဒီလိုပြေးလွှားခုန်ပေါက်ကစားတာမွေးဖွား
ရပိုလွယ်ကူစေပါတယ်တဲ့လေ။
သူတို့ဒေသ။သူတို့အယူအဆ၊သူတို့ဗိုက်နဲ့ကတော့ဟုတ်နေတာပါပဲ။

ဗိုက်ဗိုက်တို့ပျော်ပျော်ရွှင်စွာခုန်ပေါက်ပြေးလွှားဆော့ကစားနေတဲ့ပုံလေးတွေ
waiting Mother ( 1 )မှာတင်ထားပါတယ်။







Waiting Mothers ( 1 )

                                     waiting Mothers အိမ်ရှေ့မှမိခင်လောင်းများ


                                        ဆော့တဲ့သူကဆော့၊မောတဲ့သူကထိုင်


                                            ဘောလုံးပြစ်ဖို့ဟန်တွေပြင်


                                                      အပြေးပြိုင်ကြမယ်


                                             ကြိုးခုန်နေတဲ့ဗိုက်ဗိုက်များ


                                              ဖြေးဖြေးခုန်ပါအမရေ


                                                       အားရပါးရခုန်

     
                                               


                                                   ဒန်းစီးနေတဲ့မဗိုက်ဲ


                                              သတိထား..လိမ့်ကျမယ်


                                            လျှောလည်းစီးကြပါတယ်

Sunday, January 1, 2012

မြို့နဲ့နယ်

ဒီကလူတွေကရွှေပြည်ကြီးကလူတွေလိုဘဲနယ်ပြောင်းရမှာအန်မတန်ကြောက်
ကြပါတယ်။
အမည်းတွေကတော့အပျော်အပါးအလွန်မက်ကြတာမို့ပွဲလမ်းသဘင်ပေါတဲ့
မြို့မှာသာနေချင်ကြတာပါ။နိုင်ငံခြားသားတွေကတော့ဗီဇာသက်တမ်းတိုးတာ၊
ကားလိုင်စင်ဝင်တာကအစဘဏ်ငွေလွဲတာအဆုံး၊ရုံးကိစ္စတွေအားလုံးဟာမြို့မှာ
သာလုပ်နိုင်တာမို့အလှမ်းဝေးတဲ့နယ်ကိုမပြောင်းချင်တာပါ။နောက်ပြီးကျောင်းနေတဲ့
အရွယ်ကလေးရှိတဲ့သူတွေကလည်းInternational Schoolကမြို့တော်မှာဘဲရှိတာပါ။
localကျောင်းတွေဟာဈေးသက်သာပေမဲ့အမည်းလိုသင်တာများပြီးလုံခြုံရေးကအစ
အဆင်မပြေတာကြောင့်နိုင်ငံခြားသားကလေးတွေအားလုံးဈေးကြီးတဲ့International
Schoolမှာဘဲထားကြတာပါ။ကလေးတွေပညာရေးအတွက်နယ်မပြောင်းချင်ကြပါဘူး။
ကျွန်မအတွက်ကတော့ကျောင်းနေတဲ့အရွယ်ကလေးလည်းမရှိ၊ပွဲလမ်းသဘင်လည်း
သွားတာမဟုတ်တော့ရုံးကိစ္စတွေလုပ်ဖို့အလှမ်းဝေးတာကလွဲလို့မြို့မှာနေနေတော
မှာနေနေသိပ်မထူးပါ။
အလုပ်ရှုပ်တဲ့မြိုမှာနေရတာထက်နယ်မှာနေရတာခပ်ကောင်းကောင်းထင်မိပါတယ်။

မြို့မှာကျွန်မနေတာအခန်း၄၀ကျော်ပါတဲ့၎ထပ်တိုက်ခန်းမို့မနက်၆နာရီလောက်ကစပြီး
ကျောင်းသွား၊အလုပ်သွားဖို့ပြင်ကြ၊အော်ကြခေါ်ကြ၊ချက်ကြပြုတ်ကြ၊ကားတွေဝင်ကြ
ထွက်ကြနဲ့ဆူညံနေတာပါ။အထပ်တိုင်းမှာဝရံတာတွေကတဆက်ထဲမို့လှေကား
အတက်အဆင်းကိုယ့်အိမ်ရှေ့ကဖြတ်တော့ခြေသံတွေစကားသံတွေနဲ့မနက်တိုင်းနိုးလာရတာပါ။
တရုတ်တွေဟာအလွန်အသံကျယ်ပါတယ်။ သူတို့တခါတရံစကားပြောတာ
ကျယ်လွန်းလို့ရန်ဖြစ်နေသလားလို့အလန့်တကြားထကြည့်တော့မှရန်ဖြစ်တာမဟုတ်ဘဲ
စကားပြောနေတာတွေ့ရပါတယ်။
ညနေ၄နာရီလောက်ကစပြီး၁၁နာရီ၊၁၂နာရီလောက်အထိအလုပ်ကပြန်လာတအိမ်နဲ့
တအိမ်ဝင်ကြ၊ထွက်ကြ၊၀ရံတာမှာစကားတွေပြောကြ၊ကလေးတွေဆော့ကြ၊အော်ကြ
ဟစ်ကြ၊ကားတွေဝင်ကြထွက်ကြနဲ့မျက်စိရှုတ်၊နားရှုတ်နဲ့ပါ။
တခါတခါအပေါ်ထပ်နဲ့အောက်ထပ်ကုလားမ၂ယောက်အော်ကြီးဟစ်ကျယ်
ရန်ဖြစ်တတ်ကြပါသေးတယ်။ဒီဆူညံသံတွေတင်မကပါ။
ကျွန်မနေတဲ့တိုက်ခန်းနားမှာဘော်လုံးကွင်းအကြီးကြီးရှိပါတယ်။
တလမှာ၂ကြိမ်၊၃ကြိမ်လောက်စနေတနင်္ဂနွေနေ့တွေမှာသူတို့ရိုးရာပွဲတွေ၊
အလှကုန်၊ဖုံးစတဲ့ကုပ္မဏီတွေကလုပ်တဲ့ပရိုမိုးရှင်းပွဲတွေ၊စတေ့ရှိုးတွေ၊အလှူငွေရှာတဲ့
ပွဲတွေကျင်းပလေ့ရှိပါတယ်။
သူတို့ဓလေ့အရစင်တွေဆောက်ရွက်ဖျင်တဲတွေထိုးပြီးဆောင်းဗေါက်ကြီးတွေနဲ့
သီချင်းတွေမနက်၂နာရီ၊၃နာရီထိအသံကုန်ဖွင့်ပါတော့တယ်။
တဒုန်းဒုန်းတဒိုင်းဒိုင်းနဲ့အိမ်လို့မရ၊ရင်တွေတုန်ခေါင်းတွေကိုက်ရတာခဏခဏပါ။
မြို့ပြရဲ့အရသာတွေပါ။

နယ်ကိုရောက်ပါပြီ။
ကျွန်မရတဲ့အိမ်ဟာခြံဝင်းအသင့်အတင့်ရှိတဲ့လုံးချင်းအိမ်လေးပါ။
ဘေးမှာလုံးချင်းတအိမ်နဲ့၂ခန်းတွဲတအိမ်ရှိပါတယ်။
အိမ်ရှေ့မှာတော့၎ခန်းတွဲ၃အိမ်ရှိပါတယ်။အားလုံးက၀န်ထမ်းအိမ်ရာတွေပါ။
ဘေးအိမ်တွေမှာကလေးမရှိပါဘူး၊ရှေ့၎ခန်းတွဲအခန်းတွေမှာတော့ကလေးတွေရှိပါတယ်။
ကလေးသဘာဝဆော့တာအော်ဟစ်တာရှိပေမဲ့နားမခံသာအောင်သောင်းကြမ်း
တာတော့မရှိပါ။
မနက်စောစောဘေးအိမ်ကမွေးထားတဲ့ကြက်ဖကြီးရဲ့အောက်အီးအီးအွတ်အော်သံကလွဲ
လို့ပတ်ဝန်းကျင်တခုလုံးတိတ်ဆိတ်ငြိမ်သက်နေတာပါ။ကားသံလူသံမကြားရလို့မနက်
၇နာရီကျော်မှနိုးပြီးကမန်းကတန်းအလုပ်သွားဖို့ပြင်ရတာမကြာခဏပါ။
ညနေဖက်နေ၀င်မိုးချုပ်တာနဲ့ကိုယ့်အိမ်ထဲကိုယ်ဝင်အသံတွေတိတ်ဆိတ်၊လမ်းမပေါ်မှာ
လူရောကားရောမရှိတော့။
အနီးအနားပွဲလမ်းသဘင်ကျင်းပဖို့ဘာဘော်လုံးကွင်းမှမရှိ၊နားအေးပါးအေးရှိလှပါတယ်။

တခုပဲရှိပါတယ်။ဒီမြို့မှာမြန်မာတစ်ယောက်မှမရှိတာမို့မြို့မှာတုံးကလိုတပတ်တခါ
တအိမ်အိမ်မှာစုကြ၊ချက်ပြုတ်စားကြ၊စကားပြောကြတာတွေ၊အစားကောင်းလေးများ
ချက်ရင်မြိုမကျဘဲတအိမ်နဲ့တအိမ်အပြန်အလှန်ပို့ကြစတဲ့အခွင့်အရေးတွေတော့
ဆုံးရှုံးရပါတယ်။
၊နေမကောင်းထိုင်မသာရှိရင်အပြေးအလွှားရောက်လာသတင်းမေးကြ
ဆန်ပြုတ်လေး၊ခေါက်ဆွဲပြုတ်လေးကအစပို့ပေးကြတဲ့မြန်မာမိတ်ဆွေများရဲ့
နွေးထွေးကြင်နာမှုတွေကိုတော့အဝေးကနေတမ်းတနေမိပါတော့တယ်။