မိတ်ဆွေများနဲ့စိုစိ

ကျွန်မတစ်ယောက်ထဲစိုစိနဲ့တွေ့ ခဲ့ရတာမဟုတ်ပါ။ကျွန်မမိတ်ဆွေအများစုကလဲ
စိုစိနဲ့တွေ့ ဖူးခဲ့ကြသူတွေပါ။
တစ်ဦးကပန်းခြံလမ်းကြားထဲမှာဘဲစိုစိ၂ယောက်လည်ပင်းညှစ်ပြီးငွေရ၀ လုခံရဘူးပါတယ်။
နောက်တစ်ယောက်ကတော့ကားနဲ့သွားရင်းလုခံရတာပါ။
ကားမှန်အားလုံးပိတ်ထားပေမဲ့သတိမေ့ပြီးlockမချမိတာကြောင့်မီးပွိုင့်မိလို့ကားရပ်ထား
တုန်းဂီယာထိုးတဲ့နောက်ကနေရာပေါ်တင်ထားတဲ့ဆဲလ်ဖုံးကိုကားတံခါးဖွင့်ယူပြီး
ထွက်ပြေးသွားတာပါ။
ဈေးသွားရင်း၊ဘဏ်၊စာတိုက်သွားရင်းလဲလမ်းမပေါ်ပိုက်ဆံအိတ်၊ဖုံးတွေအလစ်လုခံရ
တတ်တာကြောင့်ကျွန်မတို့လမ်းသွားရင်ပိုက်ဆံအိတ်ဘယ်သူမှမကိုင်ပါ။
မြန်မာပြည်မှာပိုက်ဆံအိတ်၊ပခုန်းလွယ်အိတ်လေးတွေအမျိုးမျိုးကိုင်ခဲ့ကြပေမဲ့
ဒီမှာတော့ပိုက်ဆံအိတ်နဲ့ကိုယ်ဟာလားလားမှမထိုက်ဖြစ်နေပါတယ်။
ကျွန်မတို့အားလုံးအပြင်ထွက်ရင်ဆဲလ်ဖုံးတွေ၊ပိုက်ဆံတွေကိုအင်္ကျီ၊ဘောင်းဘီ
အတွင်းအိတ်တွေမှာဟိုဖွက်ဒီဖွက်ထည့်တတ်ကြပါတယ်။
တခါတရံဈေးဝယ်ကောင်တာရောက်မှငွေရှင်းမယ်ကြံရင်အဖွက်လွန်ပြီး
ဘယ်အိတ်ကပ်ထဲထည့်မိမှန်းမသိတော့လို့ဟိုနှိုက်ဒီနှိုက်ဟိုရှာဒီရှာနဲ့သရုပ်ပျက်
ရတာခဏခဏပါ။
့ကျွန်မမိတ်ဆွေကိုတူးနဲ့မိုးငယ်တို့၂ယောက်သူတို့ရဲ့သားလေးကျောပိုးအိတ်
လိုလို့တနင်္ဂနွေနေ့နေ့လည်တခုမှာတက်စီကားနဲ့စတိုးဆိုင်ကြီးတစ်ဆိုင်ကို
သွားခဲ့ပါတယ်။ရုံးပိတ်ရက်ထုံးစံအတိုင်းလမ်းမပေါ်မှာလူသွားလူလာနည်း
ပါတယ်။တက်စီကစတိုးဆိုင်ရှေ့နားမှာရပ်ပေးပါတယ်။
ကားပေါ်ကဆင်းပြီးစတိုးဆိုင်ဆီကိုအသွားပလက်ဖေါင်းပေါ်မှာလူ၂ယောက်
ရုတ်ကနဲရောက်လာပြီးကိုတူးကိုဝိုင်းဆွဲကြပါတယ်။တယောက်ကနောက်က
ချုပ်ထားပြီးနောက်တယောက်ကကိုတူးအင်္ကျီအိတ်ကပ်ထဲကိုနှိုက်ပါတယ်။
ဖြစ်ချင်တော့စနေနေ့ညကမြန်မာတွေစုပြီးအပြင်းပြေဖဲရိုက်ကြပါတယ်။
အပျော်ကစားကြတာမို့၅ပြားကြေး၊၁၀ပြားကြေးဆော့ကြတာပါ။
ကိုတူးကအဲဒီညကဖဲနိုင်တာကြောင့်၅ပြားစေ့၊၁၀ပြားစေ့တွေပါတဲ့အကြွေအိတ်
ကြီးကိုအိတ်ကပ်ထဲထည့်ထားတာပါ။အဲဒီအင်္ကျီကိုဘဲကောက်ဝတ်လာတာမို့
သူ့ရှပ်အင်္ကျီအိတ်ကအကြွေတွေနဲ့ဖေါင်းနေပေမဲ့ ရေကြည့်ရင်၅ကျပ်၁၀လောက်
ဘဲရှိတာပါ။ပိုက်ဆံကမိုးငယ်ဆီမှာပါ။ကိုတူးဆီမှာအကြွေအိတ်ကလွဲလို့ဘာမှ
မပါပါဘူး။စိုစိတွေကမိုးငယ်ကိုတော့ဘာမှမလုပ်ပါဘူး၊ပထမတော့မိုးငယ်လဲ
ကြောင်ပြီးကြည့်နေပြီးမှသတိဝင်လာပြီးသူခိုးသူခိုးနဲ့အသံကုန်ဟစ်ပါတယ်။
မိုးငယ်ကကျွန်မတိုဲ့ရဲရဲတောက်အဖွဲ့ဝင်ဖြစ်တာကြောင့်တခုခုဆိုအသံ
ကုန်ဟစ်ပြီးထွက်ပြေးတာကလွဲပြီးပြန်ချဖို့သတ္တိရှိသူမဟုတ်ပါ။ဒါပေမဲ့သူ့ 
လောင်တော်မင်ကစိုစိလက်ထဲမှာမို့ကြောက်စိတ်တွေပျောက်သတ္တိတွေရောက်
လာပြီး ပြန်ချဖို့လက်နှက်လိုက်ရှာတော့အနီးအနားမှာလဲဘာမှမရှိ၊ဒါနဲ့အင်္ကျီ
အိတ်ကပ်ထဲနှိုက်လိုက်တော့...ထွက်လာပါတယ်။
၃၊၄လက်မလောက်ရှည်တဲ့လက်သဲညှပ်။
မိုးငယ်လဲစဉ်းစားမနေတော့ဘဲအဲဒီလက်သဲညှပ်နဲ့ကိုတူးကိုချုပ်ထားတဲ့
အမဲရဲ့ဂတုံးပြောင်ကိုအဆက်မပြတ်ခေါက်ပါတော့တယ်။
အဲဒီအချိန်မှာဘဲစတိုးဆိုင်ထဲကလုံခြုံရေးတွေပြေးထွက်လာပါတယ်။
စိုစိ၂ယောက်လဲအကြွေအိတ်ကိုလက်ထဲဆုတ်ပြီးထွက်ပြေးကြပါတယ်။
ကံကောင်းထောက်မစွာကိုတူးတယောက်နဲနဲပါးပါးပွန်းပဲ့ရုံကလွဲပြီးဘာမှမဖြစ်ပါ။
အိမ်ပြန်ရောက်မှမြန်မာအားလုံးခေါ်ပြီးသူတို့ခေတ်မှီသွားတဲ့အတွေ့ အကြုံ
ကိုပြန်ပြောပြပါတယ်။
မိုးငယ်ကိုပြန်တီးစရာရှားလို့လက်သဲညှပ်နဲ့စိုစိကိုခေါက်ရမလားဝိုင်းအပြစ်တင်
ကြပါတယ်။ကိုယ်မကြုံရတိုင်းလက်သဲနဲ့ကုတ်ဆွဲပါလား၊ခြေထောက်နဲ့ပိတ်ကန်
ပါလား၊နားရင်းပါးရင်းတီးပြစ်ပါလားစသည်ဖြင့်သိုင်းကား၊သိုင်းဝတ္တုတွေထဲက
အကွက်တွေမြင်ယောင်ပြီးကိုယ်ဘဲချခဲ့ဘူးသလိုလိုလေပေါပြီးတယောက်
တပေါက်ဆရာလုပ်ကြပါတယ်။
ကိုတူးကတော့သူ့ အကြွေအိတ်ကြီးကိုလူရှင်းတဲ့နေရာရောက်မှဖွင့်ကြည့်ပြီး
၅ပြားစေ့၊၁၀ပြားစေ့တွေထွက်လာရင်သူတို့ ကိုကောင်းကောင်းကြိမ်ဆဲနေကြ
မှာလို့ပြောပါတယ်။
ဒီလိုအတွေ့ အကြုံမျိုးကလဲဒီနိုင်ငံမှာသာရနိုင်တယ်ထင်ပါရဲ့။

အသွားမတော်တစ်လှမ်း

ဒီနိုင်ငံမှာကျွန်မတို့နိုင်ငံမှာလိုအချိန်မရွေးနေရာမရွေးသွားချင်တဲ့နေရာကိုသွားလို့မရမှန်း
ရောက်ခါစကကျွန်မမသိခဲ့ပါဘူး။ဒါကြောင့်လဲရောက်လို့မှ၃လမပြည့်ခင်စိုစိနဲ့တွေ့ ခဲ့
ရတာပါ။
မြို့ထဲအ၀ိုင်းကလွန်ရင်အမဲဈေး၊အမဲရပ်ကွက်တွေရှိပါတယ်။လူအလွန်စည်ပေမဲ့
အမဲတွေသာများတာမို့ကျွန်မတို့လုံးဝမသွားသင့်တဲ့နေရာပါ။အမဲတောထဲမှာလုခံရရင်
ဝိုင်းကြည့်နေကြရုံကလွဲပြီးဘယ်သူမှလာကူမှာမဟုတ်ပါ။ကျွန်မတို့ကိုကူညီရင်သူတို့ကို
ရန်ရှာပြီှးအန္တရယ်ပြုတတ်လို့ကူညီချင်ပေမဲ့မကူရဲဘူးလို့အမဲမိတ်ဆွေတဦးကပြောဘူး
ပါတယ်။
တနင်္ဂနွေညနေနဲ့အစိုးရရုံးပိတ်ရက်တွေကတော့အပြင်မထွက်သင့်တဲ့နေ့တွေပါ။
လမ်းမပေါ်လူသွားလူလာနည်းလို့အလုခံရနိုင်ပါတယ်။
ညနေ၆နာရီကျော်မှောင်လာရင်အပြင်ထွက်လို့မကောင်းပါ။စိုစိကတမျိုး
အမူးသမားကတမျိုးမို့ကျွန်မတို့မြန်မာတွေမှောင်လာရင်အပြင်ထွက်လေ့မရှိပါ။
ကျွန်မနေတဲ့တိုက်ခန်းကနေမြို့ထဲကshopping centreကိုသွားတဲ့အခါဖြတ်လမ်းလေး
တခုရှိပါတယ်။
အဲဒီိဖြတ်လမ်းဟာလမ်းကြားလေးကတဆင့်ပန်းခြံတခုရဲ့နောက်ဖက်လမ်းကမှလမ်းမကြီး
ပေါ်ထွက်တာပါ။ပန်းခြံနောက်ကလမ်းဟာပန်းခြံကွယ်နေလို့အဲဒီလမ်းကိုဖြတ်လျှောက်ရင်
လမ်းမကသဲသဲကွဲကွဲမမြင်ရပါဘူး။
အဲဒီနေ့ကအစိုးရရုံးပိတ်ရက်တရက်ဖြစ်ပြီးနေ့လည်၁နာရီလောက်ရှိပါပြီ။
ဈေးဝယ်ပြီးအပြန်လမ်းမပေါ်ကလမ်းကြားလေးကိုအကူးသူငယ်ချင်းဆီကဖုံးလာလို့ဖုံးပြော
ပြီးဖုံးကိုဘောင်းဘီအိပ်ထဲထည့်လိုက်စဉ်အသက်၂၀လောက်ရှိမဲ့အမဲ၂ယောက်ကျွန်မနဲ့
မျက်နှာချင်းဆိုင်ကဖြတ်လျှောက်သွားပါတယ်။လမ်းပေါ်မှာလူတယောက်မှမရှိပါ။
ကျွတ်ကျွတ်အိပ်ကြီး၂လုံးဆွဲရင်းအေးအေးဆေးဆေးဘဲဆက်သွားနေပါတယ်။
အမဲ၂ယောက်ဟာ၎။၅။၁၀လှမ်းလောက်လွန်သွားမှပြန်လှည့်လာပါတယ်။
ကျွန်မဖုံးပြောတာ၊အိတ်ထဲထည့်တာသူတို့မြင်ပုံရပါတယ်။
တယောက်ကမလှမ်းမကမ်းမှာရပ်နေပြီးနောက်တယောက်ကဓားကောက်နဲ့ကျွန်မ
လည်ပင်းကိုထောက်ပြီးဘောင်းဘီအိတ်ထဲကဖုံးကိုနှိုက်ပါတယ်။
ကျွန်မလည်းကြောက်အားလန့်အားနဲ့သူ့ဓားကိုင်ထားတဲ့လက်ကိုပုတ်ချ၊ခြေထောက်နဲ့
လဲပိတ်ကန်၊ပါးစပ်ကလဲသူခိုး..သူခိုး၊ကယ်ကြပါနဲ့ကယောင်ကတန်းအင်္ဂလိပ်လိုရော။
မြန်မာလိုပါအော်ပါတယ်။
ဘောင်းဘီကကျပ်နေတော့ဘောင်းဘီအိတ်ကပ်ထဲကဖုံးကိုဆွဲထုတ်လို့မရဖြစ်နေပါတယ်။
ရုန်းရင်းကန်ရင်းကျွန်မခြေထောက်နဲ့ပိတ်ကန်ထည့်လိုက်တာအမဲကောင်လည်းလမ်းမပေါ်
ကိုလဲကျသွားပါတယ်။ကြောက်ကန်ကန်တယ်ဆိုတာဒါမျိုးကိုခေါ်တာထင်ပါရဲ့။
အော်ကလဲအော်ပြန်ကလဲဆော်မို့အခြေအနေမဟန်မှန်းသိပြီးစိုစိ၂ကောင်ခပ်သုတ်သုတ်
နဲ့တဖက်လမ်းကိုထွက်သွားပါတယ်။လမ်းပေါ်ပြန့်ကျဲနေတဲ့ပစ္စည်းတွေကိုကတုန်ကရီနဲ့
ဲကျွတ်ကျွတ်အိတ်ထဲကောက်ထည့်ရင်းဘေးဘီကိုကြည့်လိုက်တော့ကျွန်မတို့ရုန်းရင်း
ဆန်ခတ်ဖြစ်နေတဲ့မနီးမဝေးပန်းခြံမျက်ခင်းပေါ်မှာအမဲမကြီးတစ်ယောက်ခြေဆင်း
ထိုင်ရင်းကျွန်မတို့ကိုကြည့်နေတယ်ရှင့်။
ကျွန်မတို့ကိုဗီဒီယိုရိုက်နေတယ်များထင်နေသလားမသိ။အကူအညီပေးမဲ့ပုံတော့လုံးလုံးမရှိ။
အော်..အားရှိစရာနော်၊
မသွားသင့်တဲ့နေ့၊မသွားသင့်တဲ့အချိန်၊မသွားသင့်တဲ့နေရာကသွားမိပေတာကိုး။
ကိုယ်ဖြစ်ကိုယ်ခံပေါ့လေ။
နောက်လဲဒီလမ်းကြားလေးဟာနိုင်ငံခြားသားတွေမကြာခနအလုခံရတဲ့အန္တရယ်လမ်းကြား
လေးဖြစ်လာပါတယ်။ရဲစခန်းကိုခဏခဏတိုင်ကြလွန်းလို့အခုတော့ပန်းခြံထဲမှာ
အိမ်ဆောက်ပြီးရဲတွေ၂၄နာရီတာဝန်ချထားလို့လုယက်တာတွေမရှိတော့ပါ။

ဒါပေမဲ့ကျွန်မတို့အားလုံးကတော့ဒီနေရာကိုဖြတ်သန်းသွားလာခြင်းမပြုတော့ပါဘူး။

စိုစိ

သူတို့ဘာသာစကားနဲ့စိုစိဆိုတာမြန်မာလိုလူဆိုး၊သူခိုး၊ဓားပြကိုခေါ်တာပါ။ဒီနိုင်ငံဟာ
အာဖရိကထုံးစံအတိုင်းရာဇ၀တ်မှုထူပြောပါတယ်။သူတို့လူမျိုးဟာသွေးဆိုးပါတယ်။
စိတ်ဓာတ်ရက်စက်ကြမ်းကြုတ်ပြီးဇက်ရဲလက်ရဲလဲရှိပါတယ်။
ဓားပြစိုစိတွေဟာအသက်အရွယ်စုံပြီး၅ယောက်က၁၀ယောက်အထိစုရုံးဂိုဏ်းဖွဲ့ 
လှုပ်ရှားကြပါတယ်။အခြားအာဖရိကတိုက်ကနိုင်ငံသားတွေလဲဒီအုပ်စုထဲမှာ
ပါတတ်ပြီးဓားပြတိုက်လုယက်ပြီးတခြားနိုင်ငံထဲကိုဝင်ပြေးတတ်ကြပါတယ်။
သူတို့ဟာသေနပ်တွေသုံးပြီးအဆင်မသင့်ရင်လူသတ်တဲအထိကျူးလွန်ကြပါတယ်။
လမ်းမပေါ်မှာလုတဲ့စိုစိလေးတွေကတော့၁၂-၁၃နှစ်က၂၀မှ၂၅နှစ်အတွင်း
လူငယ်လေးတွေဖြစ်ပြီး၂ယောက်ကနေ၃ယောက်အုပ်စုလေးတွေဖြစ်ပါတယ်။
မောင်းချဓား၊ဓားအလတ်စားတွေဆောင်ပြီးဓားထောက်လုလေ့ရှိပါတယ်။
စိုစိအများစုဟာအမျိုးသားတွေဖြစ်ပြီးဓားပြစိုစိတွေထဲမှာတော့
တခါတရံအမျိုးသမီးတွေပါတတ်ပါတယ်။လမ်းမပေါ်ကစိုစိတွေဟာ
ငွေ၊ဖုန်းနဲ့ကင်မရာကိုသာအဓိကထားလုလေ့ရှိပါတယ်။အခြားပစ္စည်းတွေ
ဘယ်လောက်တန်ဖိုးရှိရှိသိပ်စိတ်မ၀င်စားပါ။
လမ်းမပေါ်ကစိုစိတွေရဲ့အဓိကပြစ်မှတ်ဟာနိုင်ငံခြားသားတွေအထူးသဖြင့်
တရုတ်တွေပါ။
လစာထုတ်ရက်တွေမှာတော့သူတို့လူမျိုးအချင်းချင်းလဲလုကြပါတယ်။
ဒီနိုင်ငံမှာစီးပွါးလာရှာကြသူအများစုဟာအခြားနိုင်ငံတွေမှာလိုဘဲတရုတ်နဲ့ကုလား
တွေဖြစ်ပါတယ်။
ကုလားတွေကတော့ထစ်ကနဲဆိုသွေးဆူပြီးသူတို့ထက်မိုက်ပါတယ်။အုပ်စုလိုက်
ဒုတ်ဆွဲဓားဆွဲကြမ်းတတ်လို့လမ်းမပေါ်မှာသွားနေတဲ့ကုလားတွေကိုသူတို့မလုရဲပါ။
ဒါတောင်ချမ်းသာတဲ့ကုလားအိမ်တွေဆိုင်တွေကိုအလစ်ဝင်ပြီးဓားပြတိုက်တတ်ကြ
ပါသေးတယ်။
တရုတ်တွေနဲ့ဆင်ဆင်တူတဲ့မြန်မာတွေ၊ဖိလစ်ပိုင်တွေ၊အသားလတ်ပြီးကုလားနဲ့
သိပ်မတူတဲ့နီပေါ၊သီရိလင်္ကာတွေလဲသူတို့ပြစ်မှတ်ထဲအပါအ၀င်ပေါ့လေ။
ကျွန်မတို့မြန်မာအများစုလဲလုဖို့ကြိုးစားခံရသူ၊အလုခံခဲ့ရသူချည်းပါဘဲ။
ခေတ်မှီသူတိုင်းအလုခံကြရသည်လို့တောင်အချင်းချင်းစကြပါတယ်။
ဒါကြောင့်ဒီနိုင်ငံမှာနေမယ်ဆိုရင်မော်တော်ကားဟာမရှိမဖြစ်လိုအပ်ပါတယ်။
ဇိမ်ခံဖို့၊အလှပြဖို့မဟုတ်ပါ။လုံခြုံရေးအတွက်ဖြစ်ပါတယ်။လမ်းမပေါ်အမြဲလမ်းလျှောက်
သွားလို့ကတော့တချိန်မဟုတ်တချိန်အလုခံရနိုင်ပါတယ်။
ခရီးနီးနီးဝေးဝေးကားမှန်အလုံပိတ်၊lockချပြီးသွားတာအလုံခြုံဆုံးပါဘဲ။
ကျွန်မစိုစိနဲ့တွေ့ ခဲ့ရတဲ့အကြောင်းနောက်postမှာဆက်ရေးပါအုန်းမယ်။

အန္တရာယ်ကင်းအောင်ကွယ်...

့မြို့တော်ကနေတစ်နာရီကျော်ကျော်ကားနဲ့သွားရတဲ့နယ်မြို့လေးတမြို့ရဲ့ဆေးရုံမှာ
မြန်မာဆရာဝန်မိသားစု၃စုရှိပါတယ်။သူတို့ကအလည်ခေါ်လို့မြို့တော်မှာနေတဲ့မြန်မာတွေ
စုပြီးအဲဒီမြို့လေးကိုတစ်ညအိပ်ခရီးထွက်ဖြစ်ကြပါတယ်။
စနေနေ့နေ့လည်ထဲကအဲဒီမြို့မှာအားလုံးဆုံကြပါတယ်။စနေနေ့ညစာကို
မြို့ခံဆရာဝန်မမလှအိမ်မှာအသားကင်စားကြပါတယ်။
မမလှအိမ်ဟာဆေးရုံဝင်းထဲမှာဖြစ်ပြီးခြံကျယ်ကြီးမို့အိမ်မကြီးင်္နဲ့ကိုက်သုံးလေးဆယ်
လောက်ဝေးတဲ့ကားဂိုဒေါင်ရှေ့မှာညနေကထဲကမီးမွှေးပြီးအသားကင်စားကြပါတယ်။
ညမှောင်ရီပျိုးချိန်မှာတော့စားသောက်ပြီးပါပြီ။
အားလုံးအိမ်ထဲဝင်စကားပြောနေတဲ့အချိန်မှာကျွန်မ၊မီးငယ်၊မမမြ၊မသီတာ၊
မိုးလေး ၅ယောက်သားမီးပုံရှေ့မှာအိုးခွက်တွေသိမ်းဆည်းရင်းလေပေါနေကြပါတယ်။
အိမ်ရှင်မမလှကတော့မီးဖိုထဲမှာပုဂံဆေးနေပါတယ်။
ခြံထဲမှာရောဂိုဒေါင်မှာပါမီးမရှိဘဲမီးဖိုချောင်အ၀မှာသာမီးရှိလို့ကျွန်မတို့အသားကင်တဲ့
နေရာကမှောင်မဲနေပါတယ်။မီးဖိုကမီးလက်ကျန်ကလဲရေနဲ့လောင်းပြီးငြိမ်းထားလိုက်ပြီလေ။
စကားတွေပေါက်ပေါက်ဖေါက်သလိုပြောနေရင်းမိုးလေးက
"အမရေ..ဒီကနေလှမ်းကြည့်ရင်ဟိုမှာမြင်နေရတာရင်ခွဲရုံလေ၊ဆေးရုံကလူနာ
တွေသေရင်အလောင်းတွေကိုဒီအိမ်ရှေ့ကဖြတ်ပြီးရင်ခွဲရုံကိုသယ်တာ "
တကယ်တော့ကျွန်မတို့၅ယောက်စလုံးကသတ္တိခဲတွေပါ။သူခိုး၊ဓားပြ၊သရဲ၊တစ္ဆေ၊
အမဲ အကုန်ကြောက်ပါတယ်။သရဲကားတောင်ကြည့်ရဲသူတွေမဟုတ်ပါ။
မမမြက"သူတို့ကဗုဒ္ဒဘာသာမဟုတ်တော့အမျှဝေလဲသာဓုခေါ်နိုင်မှာမဟုတ်တော့
ကျွတ်မှာမဟုတ်ဘူး။"
မိုးလေးက"ဟင်..ဒါဆိုဒီဝင်းထဲမှာမကျွတ်မလွတ်တဲ့သရဲတွေအများကြီးရှိမှာနော်"
"အေးတော့ဒို့တွေကလဲခြံထဲမှာသားစိမ်းငါးစိမ်းတွေကင်စားထားတော့..ဘုရား၊ဘုရား"
စားတုန်းကစားပြီးအခုမှစားထားတာတွေဘဲအန်ထုတ်ရတော့မလို
မသီတာကမျက်စေ့ပျက်မျက်နှာပျက်နဲ့အိုးကြီးကိုကဗျာကရာမရင်း
"တော်ကြတော့ဟယ်..ကြောက်တယ်။အထဲဝင်ကြစို့"
မမမြ၊မသီတာ၊တို့အိုးခွက်ပန်းကန်တွေမပြီးထွက်သွားတာနဲ့ကျွန်မနဲ့
မီးငယ်လဲခုံတွေမပြီးသူတို့နောက်လိုက်ဖို့ခြေလှမ်းပြင်လိုက်ပါတယ်။
ဥာဏ်ကြီးရှင်မီးငယ်က
"အမရေ..ဒီကအမဲတွေသရဲဖြစ်ရင်ဖြူဖြူကြီးဖြစ်မလား၊မဲမဲကြီးဖြစ်မလားမသိဘူးနော်"
"ဟယ်..ဒီကသရဲကဖြူမယ်မတင်ပေါင်၊မဲမဲကြီးဘဲဖြစ်မယ်ထင်...ထင်"
မိုးလေးကပြောရင်းရပ်သွားပြီးမျက်လုံးကြီးပြူးပြီးဂိုဒေါင်ဘေးကိုလက်ညှိုးထိုးလို.လှမ်း
့ကြည့်လိုက်တော့ဂိုဒေါင်ဘေးမှောင်ရိပ်ထဲကအင်္ကျီနီနီ၊ဂတုံးပြောင်ပြောင်နဲ့အမဲကြီး
ကုန်းကုန်း ကုန်းကုန်းနဲ့ထွက်လာတာတွေ့ လိုက်ရပါတယ်။
မီးငယ်ကကျွန်မလက်ကိုလှမ်းဆွဲပြီး
"အမရေ..လာပြီ၊လာပြီ။ ပြေး..ပြေး"
ကျွန်မတို့၃ယောက်မထားတဲ့မီးသွေးအိပ်နဲ့ခုံတွေကိုပြစ်ချပြီးပြေးကြပါတယ်။
ရှေ့က၂ယောက်လဲနောက်လှည့်မကြည့်ဘဲဘာလာမှန်းဘာဖြစ်တာမှန်းမသိပဲ
သယ်လာတဲ့အိုးတွေနဲ့ပန်းကန်တွေဂွမ်ကနဲလွှတ်ချပြီးမီးဖိုဘက်ကိုပြေးပါတယ်။
ကျွန်မလဲပြေးနေရင်းနောက်ဖက်ကိုဖြတ်ကနဲလှည့်ကြည့်လိုက်တော့အမဲကြီးက
ပါးစပ်ကဘာတွေမှန်းမသိအော်ပြီးခြေကားယားလက်ကားယားနဲ့ကျွန်မတို့နောက်
ကိုပြေးလိုက်လာပါတယ်။
"လိုက်လာတယ်၊လိုက်လာတယ်။မြန်မြန်ပြေး"
မီးဖိုချောင်ဝင်ပေါက်သေးသေးလေးကိုအလုအယက်တိုးဝင်နေလို့တစ်နေကြပါ
သေးတယ်။
အော်သံဟစ်သံတွေကြောင့်မမလှမီးဖိုချောင်အ၀ရောက်လာပြီး
"ဟဲ့ဘာဖြစ်ကြတာလဲ"စိုးရိမ်တကြီးမေးတော့ကျွန်မတို့လဲကယ်တင်ရှင်တွေ့ ပြီဆိုပြီး
ရဲရဲဝံ့ဝံ့နဲ့မီးဖိုပေါက်ဝကိုလှည့်ကြည့်လိုက်တော့.....
မီးဖိုပေါက်ဝမီးရောင်အောက်မှာအမဲကြီး..ပြူးကြောင်ကြောင်နဲ့ရပ်လို့
မီးငယ်ကဂယောင်ဂတန်းနဲ့"အယ်..သရဲမဟုတ်ဘူး၊လူအစစ်တော့"
မမလှကသဘောပေါက်သွားပုံရပါတယ်၊
"အော်..ညီမလေးတို့ကိုပြောဖို့မေ့သွားလို့။သူ့မိန်းမကဒီဆေးရုံကသန့်ရှင်းရေးလေ။
သူကဆေးရုံလမ်းထိပ်မှာဈေးရောင်းတာ၊သူတို့လင်မယားကိုမမတို့ဂိုဒေါင်နောက်
ကအခန်းလေးမှာပေးနေတာ၊ညမိုးချုပ်မှသူတို့လင်မယားကပြန်လာကြတာ၊
ဟိုဘက်ခြံအပေါက်က၀င်လာတော့သူတို့ဝင်လာတာညီမလေးတို့မတွေ့ လိုက်ဘူးထင်တယ်။"
"ဟဲ့ဂျွန်..ဘာဖြစ်တာလဲ"မမလှမေးတော့
"မသိပါဘူး..ဒေါက်တာရယ်၊ကျွန်တော်ကလူသံတွေကြားလို့ထွက်လာတာ။သူတို့က
ကျွန်တော့ဘက်ကိုလက်ညှိုးထိုးပြီးထွက်ပြေးကြတော့ကျွန်တော်လဲလန့်ပြီးသူတို့နောက်
ကိုလိုက်တာ။စောင့်ပါအုံးလို့အော်တာတောင်မစောင့်ဘူး..တကတဲပြေးတာမြန်လိုက်ကြတာ
ကျွန်တော်ကသရဲအရမ်းကြောက်တတ်တာ"
သူကသူ့ ကိုကြောက်ပြီးထွက်ပြေးကြတာသိပုံမရပါ။
ဒီတော့မှခုနက၀ရုန်းသုံးကားအော်ဟစ်ထွက်ပြေးတာတွေးပြီးရယ်နိုင်ပါတော့တယ်။
စာရင်းချုပ်တော့လွှတ်ချခဲ့တဲ့ပန်းကန်၃ချပ်နဲ့ဖန်ခွက်၂လုံးကွဲပြီးမဆင်မချင်ဂမူးရှုးထိုး
နဲ့ပြေးဖို့သာအားသန်တဲ့ကျွန်မတို့အားလုံးအဆူခံရပါတယ်။
မှောင်နဲ့မဲမဲမှာအမဲကြီးကိုသူခိုးထင်လို့ပြေးမိတာလား၊သရဲထင်လို့ပြေးမိတာလား၊
ဘာကိုကြောက်ပြီးပြေးမိကြတာလဲမသိတော့ပါဘူး။သူခိုးဖြစ်ဖြစ်သရဲဖြစ်ဖြစ်
ပြန်ချဖို့သတ္တိလဲမရှိတာမို့ပြေးတာကအန္တရာယ်အကင်းဆုံးမဟုတ်ပါလား။



္ဒ

အကြိုက်ချင်းရယ်ဖြင့်မတူုပါလေ

သူတို့အမြဲစားတဲ့အစာဟာပါပါးလို့ခေါ်တဲ့ပြောင်းဖူးမှုန့်နဲ့မရောဟော်ခေါ်တဲ့မုန်ညင်းကြော်ပါ။

ပြောင်းဖူးမှုန့်ကိုရေနဲ့ဆားနည်းနည်းနဲ့ချက်လိုက်ရင်မုန့်ပေါင်းလိုရပါတယ်။
ပူနေတုန်းစားရင်မဆိုးပေမဲ့အေးရင်တော့မာပါတယ်။ပါပါးစားလို့လားမသိသူတို့ကလေးလေး
တွေရဲ့အသားတွေဟာမာပြီးကျစ်ပါတယ်။ဆန်ကိုကြိုက်ပေမဲ့ဈေးကြီးလို့အမြဲမစား
နိုင်ကြပါဘူး။
သူတို့စားတဲ့ဆန်တွေဟာboiledriceခေါ်ပြုတ်ဆန်တွေမို့ရေဘယ်လောက်ထည့်ထည့်
ပျော့ပျော့ပျောင်းပျောင်းမရှိပါဘူး။ကျွန်မတို့အာရှကလူတွေကတော့တရုတ်ဆိုင်က
ထိုင်းဆန်၊ဗီယက်နမ်ဆန်တွေဝယ်စားကြပါတယ်။
မရောဟော်ဆိုတာကတော့မုန်ညင်းလိုအရွက်ဖြစ်ပြီးဈေးပေါပါတယ်။နုတ်နုတ်စင်းပြီး
ဆီနည်းနည်းနဲ့ကြော်စားပါတယ်။ရောက်စကမုန်ညင်းကြော်သလိုကြော်စားတာ
ဗိုက်နာလို့နောက်ထပ်မစားရဲတော့ပါ။
တခါတရံခရမ်းချဉ်သီးကိုရေနဲ့ဆားနဲ့ပြုတ်ပြီးမွှေစားတတ်ပါတယ်။ခရမ်းချဉ်သီး
ငပိချက်လိုပေမဲ့ငါးပိ၊ငံပြာရည်၊ပုဇွန်ချောက်မပါတော့ကျွန်မတို့ကတော့အရသာမတွေ့ ပါ။
ပါပါးနဲ့မရောဟော်ဟာကျွန်မတို့ရဲ့ထမင်းနဲ့ငါးပိရည်လိုပါဘဲ။နေ့တိုင်းစားတဲ့အစာပါ။
သူတို့ကြိုက်တဲ့နောက်အစာတစ်ခုကတော့ရွှေဖရုံသီးပါ။ရွှေဖရုံသီးဟာဒီမှာအလွန်ပေါပါတယ်။
လမ်းဘေးမှာအလေ့ကျပေါက်သလိုစိုက်ထားတာတွေလဲရှိပါတယ်။
ရွှေဖရုံသီးကိုအခွံမသင်ဘဲအစိတ်စိတ်ပြီးရေနဲ့ဆားနဲ့ပေါင်းစားတာသူတို့အလွန်ကြိုက်ပါတယ်။
ကြက်သွန်မပါ၊ပုဇွန်ချောက်မပါမို့ဒီဟင်းလဲကျွန်မတို့မကြိုက်လှပါဘူး။
ပိုက်ဆံရှိသူဟာအသားနေ့တိုင်းစားနိုင်ပေမဲ့အများစုကဆင်းရဲတော့တစ်ပတ်ကိုတစ်ခါ၊နှစ်ခါ
လောက်၊အရမ်းဆင်းရဲသူကတော့တစ်လတစ်ခါလောက်သာအသားစားနိုင်ကြပါတယ်။
ကြက်၊၀က်၊အမဲ၊ဆိတ်၊သိုးအကုန်စားပေမဲ့ငါးနဲ့ပုဇွန်တော့သိပ်စားလေ့မရှိပါဘူး။
ငါးကိုအရိုးလွတ်အသားလွှာပြီးဂျုံနဲ့ကပ်ပြီးကြော်ထားတဲ့ငါးကြော်ကလွဲလို့ငါး၊ပုဇွန်မစားကြပါ။
ကုန်းတွင်းပိတ်နိုင်ငံဖြစ်တဲ့အပြင်မြစ်ချောင်းအင်းအိုင်နည်းတာကြောင့်ငါး၊ပုဇွန်လဲများများ
မရှိပါဘူး။အာရှသားတွေကတော့တစ်ဖက်နိုင်ငံကသွင်းတဲ့ငါး၊ပုဇွန်ရေခဲရိုက်တွေပဲ
တရုတ်ဆိုင်က၀ယ်စားရပါတယ်။
နွေရာသီမှာတော့အနီးအနားရေကန်ကငါးတွေဖမ်းပြီးနိုင်ငံခြားသားများတဲ့ကျွန်မတို့
တိုက်ခန်းတွေမှာလာရောင်းတတ်ပါတယ်။ငါးကြင်းနဲ့တူပေမဲ့အရိုးများပြီးဒိုက်စော်နံတဲ့ငါး၊
ငါးခူကြီးကြီးတွေပါလာတတ်ပါတယ်။ကျွန်မတို့မြန်မာတွေငါးခူနဲ့မုန့်ဟင်းခါးချက်စားချင်ပေမဲ့
အရှင်တွေမို့မ၀ယ်ဖြစ်ကြတော့ပါ။ငါးရှားတဲ့အရပ်မို့ငါးကြိုက်တဲ့အာရှသားတွေဝိုင်းဝယ်ကြတာ
ဆာလာအိပ်အပြည့်နီးပါးငါးတွေဟာနာရီဝက်လောက်ဆိုကုန်သွားပါတယ်။
တစ်ခါကမြန်မာအိမ်တစ်အိမ်ကငါးခူကိုအသေထင်ပြီးဝယ်လိုက်တာရှင်နေပြီးလူးနေတာ
သတ်လဲမသတ်ရဲတာကြောင့်ရေဇလုံကြီးထဲရေဖြည့်ထဲ့ထားပြီးနောက်နေ့မနက်မှကားငှား
ပြီးမြို့ပြင်ကရေကန်မှာသွားလွှတ်ရပါတယ်။
ငါးခူက၁၀ဘဲပေးရပေမဲ့ကားငှားခကအသွားအပြန်၂၀ကျတာကြောင့်ငါးမစားရတဲ့အပြင်
ငွေ၃၀ထွက်သွားပါတယ်။
သူတို့အစာတွေဟာဆား၊မဆလာ၊ဟင်းခတ်မှုန့်တွေပါပေမဲ့အချိုမှုန့်၊ငံပြာရည်၊ငပိ၊
ပုဇွန်ချောက်မပါလို့ပေါ့ရွှတ်ရွှတ်နဲ့အရသာမရှိလိှုိ့ကျွန်မတို့မနှစ်သက်သလို၊
ကျွန်မတို့ချက်တဲ့မုန့်ဟင်းခါး၊ငါးပိချက်၊အသုတ်တွေကိုလည်းငါးပိ၊ငံပြာရည်နံ့နံလို့မကြိုက်
ကြပါဘူး။ကျွန်မတို့အတွက်မွှေးပေမဲ့သူတို့ကအနံ့မခံနိုင်ကြပါ။
နေရာဒေသအလိုက်စားတဲ့အစာ၊ချက်ပုံချက်နည်း၊သုံးတဲ့ဟင်းခတ်တွေမတူကြသလို
အကြိုက်ချင်းလည်းဘယ်တူနိုင်ပါ့မလဲလေ...
်